Se pa yon kesyon pati politik, men se yon kesyon de moun.
Defi fanmi Florida yo ap afwonte, se pa yon kesyon de goch ni de dwat, pwoblèm yo reyèl. Epi yo mande vrè solisyon.
Pati politik yo pase anpil ane ap divize moun sou etikèt, pandan vrè pwoblèm yo ap vin pi grav.
Lavi che a telman wo, li vin pi defisil pou moun rete nan kay. Lekòl ki pa gen ase lajan men ki gen twòp politik ladan yo. Yon sistèm sante ki vin two che ke pyes fanmi paka peye. Chanjman klima ki menase kominote bò lanmè yo ansanm ak mache asirans lan.
Sa se pa pawòl politik. Se sa fanmi ki ap travay yo ap viv chak jou toupatou nan Florida.
Kesyon an se pa kote yon solisyon ap soti, keyson an se eske li fè lavi a vin pi bon.
Rezoud Kriz Pri ak Asirans Nou an
Kriz asirans pwopriyete a, se premye rezon ki fè moun nan Florida yo paka gen yon kay. Soti nan moun ki ap lwe, rive nan retrete yo ak pwopriyetè kay yo, chay asirans pwopriyete a kontinye fè pri lojman nan Florida twò chè pou anpil moun. Yon fon leta pou katastwòf, ki retire risk dezas natirèl yo nan mache prive a epi ki ap bese pri asirans pwopriyete ak asirans machin yon fason dramatik, epi ki ap bay anpil moun nan Florida posiblite pou yo peye avek yon pri ki estab. Pèmèt asosyasyon kondo yo ak pwopriyetè yo jwenn yon pwogram prè san enterè ki gen sipò leta a ta ede tou ak gwo chay finansye reparasyon kondo ki ka dire plizyè jenerasyon.
Sove Lekòl Nou Yo
Lekòl piblik nan Florida, pa janm jwenn ase lajan pandan plizyè deseni. Nou bezwen ogmante envestisman nan lekòl piblik Florida yo yon fason dramatik, pou nou ka touche plis lekòl nan plis katye. Epi pou pwofesè ka touche plis. Pwogram bon eskolè leta a tou bati sou yon modèl ekonomik ki gen anpil chans pou l tonbe. Lekòl prive ki aksepte bon eskolè yo, ta dwe oblije limite ogmantasyon pri lekòl la pou elèv sa yo. Epi bay menm sèvis espesyalize lekòl piblik yo bay. Pwogram bon eskolè a ta dwe baze sou revni pou asire lajan an ale jwenn fanmi ki gen vrè bezwen ekonomik.
Refòm Finansman Kanpay ak Etik
Florida gen kèk nan règ etik ak finansman kanpay, ki pi fèb nan tout peyi a. Politisyen ki nan pouvwa yo ap mande lajan san limit nan men konpayi yo an relasyon klè ak desizyon ofisyèl yo pran. Florida ta dwe an tèt nan refòm finansman kanpay ak yon gwo pakèt mezi etik, ki angaje li nan transparans epi pou pwoteje moun ki ap peye taks nan Florida kont vòl legal nan Tallahassee.
Ranfòse Ekonomi Florida a
Florida gen yon nan pi gwo ekonomi nan mond lan, men pwojè politik kout yo anpeche li vanse. Florida ta dwe vin yon ekonomi ki an tèt nan teknoloji epi ki ap envesti nan agrikilti renouvle ak yon vizyon pou syèk ki ap vini an. Nou ta dwe kontinye fè ekonomi touris nou an grandi, kenbe pi bon talan Florida yo epi atire moun ki pi entelijan ak pi kreyatif nan mond lan.
Remèt Libète Repwodiktif
Desizyon sou swen sante repwodiktif ta dwe pran ant fanm yo ak doktè yo, pa politisyen. Roe v. Wade ak Casey v. Planned Parenthood te bay yon kad responsab ak ekilib pou pwoteje desizyon sa yo. Si pa gen lwa federal ki remèt pwoteksyon sa yo, Florida ta dwe mete kad Roe/Casey a nan lwa.
Envesti nan Rezistans Klima, Dlo Pwòp ak Ekonomi Lanmè a
Florida gen ekosistèm, rivyè ak kòt lanmè ki estraòdinè. Fason leta a jere resous sa yo pat ase. Florida ta dwe aksepte syans chanjman klima a, nan pwoteje plaj ak pak ki nan eta nou yo, epi envesti nan rezistans toupatou nan eta a. Florida ta dwe adopte yon ajanda dirab ki konsève resous natirèl nou yo epi fè grandi yon ekonomi ki apiye sou touris, lapèch, ospitalite ak lavi an deyò.
Restora Sèvis pou Veteran Nou Yo
Florida gen youn nan pi gwo popilasyon veteran nan tout Etazini. Nou gen chans pou nou gen gason ak fanm soti nan tout jenerasyon ki te sèvi ak onè nan tout branch lame yo. Devan rediksyon sèvis federal yo. Florida ta dwe an tèt nan peyi a, pou ranpli tout sèvis kritik yo,
pou moun ki te sèvi nasyon nou an an inifòm.
Bay Fanmi Florida yo Aksè nan Inivèsite Florida yo
Twòp fanmi nan Florida pa ka antre nan pi gwo inivèsite eta nou an. Florida gen chans pou li genyen kolèj ak inivèsite ki an tèt nan peyi nou an, men sa sèlman ede fanmi Florida yo si elèv nou yo ka antre ladan yo. Elèv Florida ki kalifye yo ta dwe gen yon estati priyorite lè yo ap aplike pou inivèsite Florida yo.
Diminye Vyolans Zam
Florida ap soufri avek yon pwoblèm vyolans ak zam. Moun ki posede zam yon fason responsab se pa yo ki pwoblèm nan, men se lwa sou zam yo ki fèb ki kreye pwoblèm nan. Li lè pou politisyen nan Tallahassee fè plis. Florida ta dwe entèdi yo van zam lagè, epi mande pou yo fè yon kontwol konplè pou tout moun, egzamine pèmi, epi konsève ak elaji lwa drapo wouj yo ki te vin apre trajedi Parkland lan.
Enèji Ki Pwòp
Dirijan Florida yo ta dwe lage enèji pwòp ak renouvlab toupatou nan eta a. Epi mande pou mete plis teknoloji enèji pwòp nan sèvis piblik nou yo. Teknoloji enèji ki bon pou anviwònman an pèmèt nou pran swen anviwònman nou pi byen, pwoteje ekonomi touris ak anviwònman an, epi yo ka bese pri sèvis piblik pou tout konsomatè nan Florida.
Dwa Kominote yo pou Dirije ak Demokrasi Dirèk
Toupatou nan Florida, votè yo kontinye sèvi ak vòt yo pou yo chwazi direksyon eta yo a ak kominote yo. Men politisyen nan Tallahassee yo pase sou volonte votè yo dapre kapris ideyolojik egois yo. Demokrasi dirèk nan Florida ta dwe pi fasil, pa pi difisil. Florida ta dwe respekte dwa pou kominote yo dirije tèt yo, epi sipòte aplikasyon inisyativ votè ki te reyisi nan kominote yo toupatou nan eta a. Florida ta dwe fè li pi fasil pou votè yo mete ak mam konstitisyonèl yo sou bilten vòt la, epi si yon amannman jwenn plis pase 50% nan vòt la, Gouvènè a ta dwe goumen pou aplike li pou pèp la.
Goumen Kont Krim, Pa Kont Kominote
Kit ou se yon moun ki fèt nan Florida, kit ou se yon imigran nan eta nou an, oswa yon politisyen nan Tallahassee, si ou vyole lalwa nan Florida yap mande w kont. Men Florida ka tou yon eta ki korije inegalite nan jistis kriminèl pou kominote moun koulè yo ak kominote imigran yo, epi ankouraje kontwòl lokal sou polis kominotè a. Li lè pou Florida goumen kont krim, pa kont kominote.
Bay Moun nan Florida Swen Sante yo Ka Peye
Medicaid se yon pwogram kritik pou Florida. Li sipòte swen pou fanm ak tibebe lè yap fè pitit, swen alontèm pou granmoun aje yo, swen pou moun ki gen bezwen espesyal ak kapasite inik, epi li se yon sous finansman kritik pou lopital toupatou nan eta a. Devan kote Washington ak Tallahassee ap koupe nan pwogram yo, Florida ta dwe angaje l pou elaji Medicaid epi asire swen sante pou tout moun nan Florida.
Trete Tout Moun ak Jantiyès, Diyite ak Respè
Lagè kiltirèl yo divize epi yo fè moun santi yo pa moun. Florida ta dwe rejte politik divizyon ak rayisman, yo ta pito kreye yon kay kote tout moun gen valè, respè epi yo byen akeyi. Nou ta dwe vin yon kote tout moun jwenn diyite ak ekite, kèlkeswa ras, kwayans, oswa koulè yo, epi kèlkeswa moun ou renmen oswa Bondye ou sèvi. Florida ta dwe akeyi kominote imigran nou an epi selebre sa yo pote pou kilti ak ekonomi pou eta nou an. Li lè pou kreye yon Florida pou tout moun.
Florida merite pi bon pase sa.
Pa pi bon pawòl politik. Pa pi bon eskiz. Men pi bon rezilta pou moun kap viv isit la.
Se sa kanpay sa a ye. Se sa yon bon lidè ta dwe bay.